1971 yil 2 fevral kuni Eronning Ramsar shahrida Xalqaro ahamiyatga ega, asosan suvda suzuvchi qushlarning yashash makoni bo‘lgan suvli-botqoqli hududlar to‘g‘risidagi Konventsiya imzolandi. Hujjat imzolangan kun, ya’ni 2 fevral Jahon suvli-botqoqli hududlar kuni (World Wetlands Day – WWD) sifatida keng nishonlanadi.

2021 yilda kun mavzusi: Cuvli-botqoqli hududlar va suv (Wetlands and water) bo‘lib, ular bir-biridan ajralmas hayot uchun muhim ahamiyat kasb etadi.

Bugungi kunda 171 ta mamlakat Ramsar konventsiyasi tomonlari hisoblanadi. Xalqaro ahamiyatga ega suvli-botqoqli hududlar ro‘yxatiga umumiy maydoni 255 million gektar bo‘lgan 2414 ta suvli-botqoqli komplekslar kiradi.

O‘zbekiston Respublikasi mazkur konventsiyaga 2002 yilda a’zo bo‘lgan. Mamlakatimiz hududida joylashgan Dengizko‘l, Aydar-Arnasoy ko‘llar tizimi hamda Quyimozor va To‘dako‘l Ramsar konventsiyasi ro‘yxatiga kiritilgan.

Davlat ekologiya qo‘mitasi
Matbuot xizmati