2021 yil 26 iyun kuni Sirdaryo viloyat Ekologiya va atrof-muhitni muhofaza qilish boshqarmasi hamda viloyat «Yuksalish» umummiliy harakati tomonidan «Sirdaryo – jonli daryo» mavzusida ekoaktsiyaga start berildi. Aktsiyaning maqsadi Sirdaryo daryosi qirg‘oqlarini inson omillari ta’sirida qoldirilgan chiqindilardan tozalash va atrof muhitni muhofaza qilishdan iboratdir. Aktsiya Guliston tumani «Sohilobod» MFY hududidagi daryo bo‘yida o‘tkazildi. Aktsiyada Sirdaryo viloyat Ekologiya va atrof-muhitni muhofaza qilish boshqarmasi xodimlari, 25 nafar volontyorlar va 12 nafar mahalla fuqarolari ishtirok etishdi.

Davlat ekologiya qo‘mitasi
Matbuot xizmati