O‘zbekiston Respublikasi Vazirlar Mahkamasining 2017 yil 22 maydagi “Oliy o‘quv yurtidan keyingi ta’lim tizimini yanada takomillashtirish chora-tadbirlari to‘g‘risida”gi 304-qaroriga asosan, O‘zbekiston Respublikasi Vazirlar Mahkamasining 2018 yil 26 noyabrdagi “Ekologiya va atrof-muhitni muhofaza qilish sohasida ilmiy-tadqiqot bazasini yanada rivojlantirish chora-tadbirlari” to‘g‘risidagi 958-sonli qarori, O‘zbekiston Respublikasi Prezidenti huzurida 2021 yil 24 avgust kuni o‘tkazilgan 43-sonli yig‘ilish bayonining 32-bandiga muvofiq, 2021 yil talabgorlardan hujjatlarni qabul qilish 15 sentyabrdan 20 oktyabrgacha bo‘lgan muddatda o‘tkazish nazarda tutilgan. O‘zbekiston Respublikasi ekologiya va atrof-muhitni muhofaza qilish davlat qo‘mitasi huzuridagi Atrof-muhit va tabiatni muhofaza qilish texnologiyalari ilmiy tadqiqot institutida tayanch doktorantura va doktoranturaga 19 noyabr kuni chet tilidan, 24 noyabr kuni mutaxassislik fanidan kirish imtihonlari o‘tkazildi.

O‘zbekiston Respublikasi Prezidentining 2017 yil 16 fevraldagi “Oliy o‘quv yurtidan keyingi ta’lim tizimini yanada takomillashtirish to‘g‘risida”gi PF-4958-sonli Farmoni hamda O‘zbekiston Respublikasi Vazirlar Mahkamasining 2017 yil 22 maydagi “Oliy o‘quv yurtidan keyingi ta’lim tizimini yanada takomillashtirish chora-tadbirlari to‘g‘risida”gi 304-sonli qarorida belgilangan vazifalarni bajarish hamda 2022 yil uchun institutga doktorantura va tayanch doktoranturaga tadqiqotchilarni qabul qilish maqsadida o‘tkazilgan imtihon natijalari quyidagicha:

Davlat ekologiya qo‘mitasi
Matbuot xizmati