Toshkentda “Green Art” xalqaro landshaft sanʼati ekofestivali boʻlib oʻtadi.
24.
04. 2023
11:03
5008
News

2023-yilning 27-29-aprel kunlari Toshkent shahrida “Green Art” xalqaro landshaft sanʼati ekofestivali boʻlib oʻtadi. Maqsad mamlakatimizdagi ekologiya va koʻkalamzorlashtirish muammolariga jamoatchilik eʼtiborini jalb qilishdan iborat. Festival doirasida xalqaro ilmiy anjuman, yoshlar forumi va ko‘rgazma o‘tkaziladi.

Tadbir O‘zbekiston Tabiat resurslari vazirligi ko‘magida Landshaft san’ati uyushmasi tomonidan tashkil etiladi.

Festivaldan ko’zlangan maqsadlar:

- idoraviy tashkilotlar xodimlarining kasbiy, ekologik savodxonligini, malakasini oshirish;
- bog‘dorchilik jarayoniga keng jamoatchilikni jalb etish;
- ixtisoslashtirilgan oliy o‘quv yurtlari talabalari orasida yuqori malakali, g‘oyaviy, tashabbuskor mutaxassislarni shakllantirish. Talabalarni barcha jarayonlarga faol jalb etish - loyihalash, ko‘kalamzorlashtirish va ko‘chatlarni parvarish qilishdan tortib, boshqa mamlakatlarning ixtisoslashtirilgan universitetlari bilan hamkorlikni yo‘lga qo‘yish;
- Oʻzbekiston va butun Markaziy Osiyo mintaqasini koʻchat materiallari bilan taʼminlash uchun yangi koʻchatzorlar barpo etish va mavjudlarini rekonstruksiya qilish;
- yuqori sifatli ekish materialini shakllantirishning zamonaviy usullaridan foydalanish.

Ko‘rgazma-savdoda mahalliy va xorijiy ishlab chiqaruvchilar va pitomniklar o‘z mahsulotlari darajasi va sifatini namoyish etish, o‘zaro tajriba almashish imkoniyatiga ega bo‘ladi.
Yoshlar forumi doirasida O‘zbekiston, shuningdek, Qozog‘iston ixtisoslashtirilgan oliy o‘quv yurtlari talabalari va yosh mutaxassislari ta’lim dasturida ishtirok etib, o‘z loyihalarini yaratadilar. Tanlov natijalariga ko‘ra eng yaxshi loyihalar tanlab olinadi va amalga oshiriladi.

Festival doirasida Xalqaro ilmiy konferensiya boʻlib oʻtadi, unda mutaxassislar quyidagi mavzularda maʼruza qiladilar:

- "Ekologiya va tibbiyot" - Kristina Karen Vardanyan
- "Shahar tomlarini ko'kalamzorlashtirish" - Temur Ahmedov
– “Ekologiya” – Temur Yunusov
- "Antropogen landshaftlar" - Marina Borodina
- "Yashil iqtisodiyot" - Tatyana Antonenko

Festivalda ishtirok etishni istasangiz, +998901879125 raqamiga qo'ng'iroq qiling.

Useful resources