Малака ошириш курсига малакали профессор-ўқитувчиларнинг жалб қилингани, шунингдек, машғулотлар  Ўзбекистон Миллий университети каби етакчи олий ўқув юртлари билан ҳамкорликда ташкил этилгани ҳам бизда яхши таассурот қолдирди. Биз фаолият юритаётган лабораторияларнинг самарали фаолияти бевосита замонавий жиҳозлар билан боғлиқ. Машғулотлар давомида ана шундай жиҳозлар билан яқиндан танишиб, ҳамкасбларимиз билан ўзаро фикрлашган ҳолда тажрибалар алмашдик. Малака ошириш курсида бизга мутахассислар сифатида таклифлар бериш имкониятининг яратилгани ҳам ўйлайманки, кутилган натижани беради.