Қашқадарё вилояти Яккабоғ тумани «Чуброн» қишлоғи аҳолиси томонидан қилинган мурожаат холат жойида Қашқадарё вилояти экология ва атроф муҳитни муҳофаза қилиш бошқармаси ходимлари ҳамда «Чуброн» қишлоғи ахолиси ҳамма махалла фаоллари билан биргаликда жойида ўрганилди.                

Ўрганиш натижасида шу худуд яқинида жойлашган «Гулдара» сув омбори қурилишида иштирок этаётган «Яккабоғ Тонги» МСҚТК томонидан Қашқадарё дарёси ўзанидан ноқонуний равишда қум-шағал аралашмасини кавлаб олганлиги аниқланди. 

Қонунбузилиши юзасидан ташкилот рахбари Х.Ғ.дан тушунтириш хати олиниб дастлабки далолатнома расмийлаштирилди, холат юзасидан керакли барча хужжатлар тўпланиб суд органларига хавола қилинади.

Давлат экология қўмитаси
Матбуот хизмати