Qashqadaryoda 17 tup archaga shikast yetkazildi. Zarar — 18 million so‘m
22.
08. 2023
11:04
2011
Янгиликлар
Qashqadaryo viloyati Ekologiya boshqarmasi Dehqonobod tuman inspeksiyasi xodimlari tomonidan navbatdagi ekologik nazorat reyd tadbiri oʼtkazildi.
Tadbir davomida Dehqonobod davlat oʼrmon xoʼjaligi "Kon" o‘rmon boʼlimining "Suvlisoy" massivi hududida tabiiy holda oʼsgan 6 tup Zarafshon archasi tag qismidan, 11 tup archaning esa yon shoxlari kesib tashlanganligi aniqlandi.
Holat yuzasidan oʼrmon qoʼriqchisi R.J.ga nisbatan MJtKning 79-moddasi, 3-qismi bilan maʼmuriy bayonnoma rasmiylashtirilib, 3 mln 300 ming jarima qoʼllanildi.
Tabiatga yetkazilgan 18 mln 84 ming soʼm zararni undirish maqsadida hujjatlar tegishli tartibda rasmiylashtirilib, Dehqonobod Davlat oʼrmon xoʼjaligiga oʼtkazildi.
