Monitoring, hisobot berish va tekshirishning zamonaviy tizimi (MRV) barcha issiqxona gazlarini qamrab oladi.

Tizim issiqxona gazlari emissiyasi, iqlim oʻzgarishi ta’sirini yumshatish va moslashtirish boʻyicha erishilgan yutuqlar toʻgʻrisidagi ma’lumotlarning shaffofligini ta’minlaydi. Shuningdek, moliyaviy resurslar va texnologik yordamni jalb qilishga yordam beradi.

Qolaversa, bu tizim Parij kelishuvi doirasidagi xalqaro majburiyatlarga muvofiq issiqxona gazlari chiqindilarini kamaytirish va iqlimga chidamlilikni oshirishga qaratilgan chora-tadbirlar
va harakatlarni yanada samarali baholash va rejalashtirish imkonini yaratadi.